Прв забележа комшијата од соседната зграда. Потоа почнаа да се појавуваат силуети од човечки ликови на терасите и прозорите на останатите згради. Вџашените возачи ги запираа возилат и ги исклучуваа моторите. Некои ги отворија прозорите, а некои излегоа надвор во тишината. Трамваите и автобусите запираа, а бучавата пропадна во бездната на тишината. Некои птици во далечината, очигледно неинформирани, крикнаа неколку пати и замолкнаа изненадени од глетката. Ветрот во гранките запре а песната замириса на песна, на стара љубов и носталгичен спомен сега разбуден. Облакот се подмрдна да може Сонцето поубаво да слушне. Дури и Земјата засилена од силното вртење малку застана за да слушне поубаво – која будала пее во вака тешка ситуација.
Слична содржина
