ОНДРЕЈ КАЛАМАР (Словачка)
Без свињите овој свет би бил така несолен и безмрсен.
Отровните луѓе се поопасни од отровните печурки.
Вистина за животната трка. Кој ќе стигне последен, ги претрка сите.
Господе, ти благодарам за сите дарови што можам да ги дадам.
Ако си на дното, тогаш барај злато!
Воопшто не носам чадор. Го имав минатиот пат и бев како накиснат.
Без жените, светот би бил убаво едноставен, а со жените е едноставно убав.
Тагата е состојба како кога ти ја кинат душата.
И кога се води љубов, збор е за животот.
Копнеете ли за топло место? Ние ќе го направиме за вас! Ваш крематоријум.
Морате да бидете навистина мудар за да разберете дека будалата е секогаш во право.
Љубовта е вечна. Се менуваат само лицата и улогите.
Кои се најголеми дарови во животот? Оние кои ги дадовме.
(превод од словачки: Александар Чотриќ)
