Ако сакате да се пронајдете себеси, дојдете во Македонија. Тука сите се изгубени.
Убавите соништа можеме само да ги сонуваме.
Тешко некој Македонец да се крене од мртвите. А и од живите!
Нам не нѝ требаат часови по јавање. Ние сме учени да нѐ јаваат.
Најбројни на погребот беа оние кои што жив го закопаа покојниот.
Да се сеќавав на сé, до сега многумина ќе беа заборавени.
Купив стан со поглед кон иднината. Од мојот прозорец се гледаат гробиштата.
Само што ја демаскиравме власта, донесе закон за задолжително носење маски.
Голем дел од народот учествува во акцијата „Ден на дрвото“. Вегетира.
Ги гледам политичариве – животно до животно, а сакаат доживотно да бидат на власт.
На младите светот останува. На оние млади кои што нема да останат тука.
